ROONZ AZIIZ عضو نشيط
عدد المشاركات : 41 نقاط : 65 تاريخ التسجيل : 10/11/2010 العمر : 29 المزاج : أسـأل آلـزمن
| موضوع: حملة صف النيه الجمعة ديسمبر 03, 2010 3:03 am | |
|
برعايه :: حمله صف النيه
اذا شفنا ريال قاعد عالبحر وزعلان ليش انقول متهاوش مع زوجته او الصاحبه ؟؟ يمكن عليه مخالفات او اقساط كثر شعر راسه ( هذا اذا بقى براسه شعر )
اذا مرت وحده الساعه 12 بالليل بسيارتها ليش الشباب يفجون عينهم ويخزونها يمكن دكتوره عندها خفاره ورايحه المستشفى ( حلاتهم ملائكة الرحمه )
اذا وحده حلوه مرت وريلج طالعها ليش تحسين انه يتحرش فيها ومعجب ؟؟ يمكن يقول بقلبه مرتي تسواها وتسوه اهلها ( عيل شكو يطالع )
اذا وحده ثقيله وماتضحك على اي شي ليش نقول نفسيه وشايفه روحها يمكن عندها حالة وفاة او احد من اهلها فيه شي
اذا بنيه شعرها بوي ليش سيده عبالكم صبيك يمكن شعرها خفيف ومو حلو عليها الطويل
اذا واحد الله قارده بلون ابيض وشفايف ورديه ليش عبالكم جنس ؟ ( يااخي العرج يحن شسوي )
اذا مرت فلبينيه والشايب خزها ليش تفكرون غلط يمكن ماعندهم خدامه ويقول بقلبه هذي تصلح ( الا الشايب مراهق )
اذا قلتي حق ريلج ابي فلوس وقالج ماعندي ليش تضنين فيه ضن السوء ؟؟ يمكن مسويلج مفاجأه وبيشتريلج شاليه ( طل )
اذا واحد 7 سنين بالجامعه وصار طرشي ليش نقول عنه فاشل ؟؟ يمكن اخته مستجده وينطرها اتخرج خايف عليها ( اخاف صج )
اذا وحده ميته من البجي بسيارتها ليش كل الناس اتطالع ؟؟ وعلى بالهم ريلها طاقها ؟؟ يمكن عرسها اليوم والخياطه خربت نفنوفها ( احلى ترقيع )
اذا اثنينه تزوجوا ومايابوا عيال ليش سيده تقولون مافيهم عيال وتدشون بخشومهم ؟؟ يمكن اهمه مأجلين الموضوع ( لاحقين عالحنه )
اذا واحد على طول مغتر.... بر ، نادي ، مباراة ليش تقولون عنه اصلع ؟؟ يمكن الريال يحب الرزه ( امبله )
اذا شفتوا بالمطار البنات الي واصلين من ايران خشومهم ملزقه وعليها بلاستر ليش على بالكم عمليات تجميل ؟؟؟ يمكن صار مطبات هوائيه وروسهم طقت الكراسي الي جدام ( قوووويه )
اذا وحده انعزمت على عشى وماتعشت ليش على بالكم مسويه رجيم ؟؟ يمكن ياعت وتعشت امبجر ( شخباري الي يتعشون امبجر )
اذا واحد كل شهر سيارة شكل مره مرسيدس ومره جاكوار ليش على بالكم فلوسه وايد ؟؟ يمكن اجار ( فشششششله )
اذا واحد خطب وحده واهلها ماعطوه وما تزوج عقب ليش تقولون وييييي لي الحين يبيها لي الحين يحبها ؟؟ يمكن مالقى الي يبيها ( وعليه )
اذا وحده ساكنه ابيت اهل ريلها وماتنزل تتغدى معاهم ليش يقولون عنها شايفه روحها ونسره ؟؟ يمكن مسويه رجيم وماتبي تقول ( خو قصب يعني )
| |
|